జీనో పేరడాక్స్ లూ – పూర్వపక్షం!..2
(కడచిన 2400 సంవత్సరాలుగా తత్వవేత్తలను తికమక పెడుతున్న ఈ ‘జీనో’ అనబడే ఒక మేధావి గ్రీకు తత్వవేత్త పేరడాక్సుల్ని ఒక మామూలు ఆంధ్ర రచయితనైన నేను పూర్వపక్షం చేయబూనడం తత్వశాస్త్రంతో పరిచయమున్నవారికి హాస్యాస్పదంగా అన్పించవచ్చు. అయినప్పటికీ నాకు తెలిసిన, నేను విశ్వసించిన ఈ ప్రయత్నం నేను మానుకోబోను. నేనీ పేరడాక్సుల్ని పూర్వపక్షం చేయగలిగినా, చేయ విఫలమైనా కనీసం వాటిని స్పృశించ సాహసించగలుగుతున్నందుకు గర్వపడుతున్నాను. ఈ ప్రయత్నంలో నేనెంత వరకూ కృతకృత్యుడనయ్యానో చెప్పవలసింది మీరే!)
జీనో పేరడాక్స్ లూ – పూర్వపక్షం!
ఇక రెండవ పేరడాక్స్.
అకిలీజ్, తాబేలు
2. హోమర్ వ్రాసిన ఇతిహాస కావ్యం “ఇలియడ్” లో అకిలీజ్ అనే మహా వీరుడున్నాడు. ఉదాహరణ కోసం ‘జీనో’ అతడికి, ఒక తాబేలుకు పరుగు పోటీ పెట్టాడు. తాబేలు మెల్లగా నడుస్తుందని ప్రతీతి. కనుక, అకిలీజ్ తాబేలును తనకంటే పదిగజాల ముందు నిలబెట్టి పోటీ ప్రారంభిస్తాడు. ఈసప్ కథలోనైతే కుందేలు-తాబేలు పరుగు పందెంలో కుందేలు దారి మధ్యలో ధీమాగా నిద్రపోవడం వల్ల తాబేలు దాన్ని దాటిపోయి పందెం గెలుస్తుంది. జీనో పేరడాక్స్ లో అలా కాదు. అకిలీజ్ ఎంత పిక్కబలం కలవాడైనా తాబేలును అసలు ఎన్నటికీ దాటిపోలేడని జీనో అంటాడు.
పోటీ ప్రారంభంలో తాబేలు అకిలీజ్ కంటే పది గజాల ముందు వున్నది కదా? అకిలీజ్ ఆ పది గజాల దూరాన్ని దాటేలోగా తాబేలు కొంతదూరం ముందుకు పోయి వుంటుంది. ఆ స్థలాన్ని అకిలీజ్ చేరుకునేలోగా తాబేలు అక్కడినుంచి మరి కొంత దూరం ముందుకు పోతుంది. అకిలీజ్ ఆ స్థలాన్ని చేరేలోగా తాబేలు ఇంకా ముందుకు పోతుంది. అది వున్న చోటికి అకిలీజ్ వెళ్ళేలోగా తాబేలు ఇంకా ముందుకు జరిగి వుంటుంది. . . .ఈ విధంగా అకిలీజ్ తాబేలును ఎన్నటికి దాటి ముందుకు పోలేడని జీనో అంటాడు. (విశ్వదర్శనం, ప్రధమ ప్రచురణ పుట.58)
ఈ పేరడాక్స్ కి నేనిస్తున్న పూర్వపక్ష రూపం!
ఈ పేరడాక్స్ లో జీనో యుక్తి అకిలీజ్ కి తాబేలుకీ మధ్యనున్న పది గజాల స్థలం వద్ద వ్యక్తమవుతుంది. అకిలీజ్ ఆ పది గజాల దూరాన్ని దాటే లోగా తాబేలు కొంత దూరం ముందుకుపోయి వుంటుంది కదా. అంటూ మనల్ని నిలదీసి, ఏమారుస్తాడు.
నేను దాన్నిప్పుడు పరిగణనలోకి తీసుకోను. పోటీ ప్రారంభం కాగానే తాబేలు దాటబోయే ఒక పది గజాలు దూరాన్ని తీసుకుంటాను. పోటీ ప్రారంభంలో తాబేలు ఒక పది గజాలు దూరం దాటే లోగా అకిలీజ్ పదకొండు గజాలు దూరం దాటుతాడనుకుందాం. ఎందుకంటే అకిలీజ్ కి పిక్కబలం ఎక్కువ కదా. అలాగే తాబేలు మరో పది గజాలు దూరం దాటేలోగా మరో పదకొండు గజాలు దాటుతాడు. అలా ఒక నిర్ణీత ప్రదేశాన్ని అంటే తాబేలు నూరు గజాలు దూరం దాటే సరికి అకిలీజ్ తాబేలుని చేరుకుని సమానమౌతాడు. అపైన పది గజాలు దూరంలో తాబేలుని దాటి ఒక గజం ముందుకెళ్ళిపోతాడు. ఆ తర్వాత పది గజాలు దూరంలో తాబేలుని దాటి ఇంకో గజం ముందుకెళ్ళిపోతాడు ఈ విధంగా అకిలీజ్ తాబేలును ఎన్నడైనా అవలీలగా దాటి ముందుకు పోగలడు.
ఇక మూడవ పేరడాక్స్ చాలా తమాషాగా, విడ్డూరంగా వుంటుంది.
( సశేషం )
జీనో పేరడాక్స్ లూ – పూర్వపక్షం!
ఇక రెండవ పేరడాక్స్.
అకిలీజ్, తాబేలు
2. హోమర్ వ్రాసిన ఇతిహాస కావ్యం “ఇలియడ్” లో అకిలీజ్ అనే మహా వీరుడున్నాడు. ఉదాహరణ కోసం ‘జీనో’ అతడికి, ఒక తాబేలుకు పరుగు పోటీ పెట్టాడు. తాబేలు మెల్లగా నడుస్తుందని ప్రతీతి. కనుక, అకిలీజ్ తాబేలును తనకంటే పదిగజాల ముందు నిలబెట్టి పోటీ ప్రారంభిస్తాడు. ఈసప్ కథలోనైతే కుందేలు-తాబేలు పరుగు పందెంలో కుందేలు దారి మధ్యలో ధీమాగా నిద్రపోవడం వల్ల తాబేలు దాన్ని దాటిపోయి పందెం గెలుస్తుంది. జీనో పేరడాక్స్ లో అలా కాదు. అకిలీజ్ ఎంత పిక్కబలం కలవాడైనా తాబేలును అసలు ఎన్నటికీ దాటిపోలేడని జీనో అంటాడు.
పోటీ ప్రారంభంలో తాబేలు అకిలీజ్ కంటే పది గజాల ముందు వున్నది కదా? అకిలీజ్ ఆ పది గజాల దూరాన్ని దాటేలోగా తాబేలు కొంతదూరం ముందుకు పోయి వుంటుంది. ఆ స్థలాన్ని అకిలీజ్ చేరుకునేలోగా తాబేలు అక్కడినుంచి మరి కొంత దూరం ముందుకు పోతుంది. అకిలీజ్ ఆ స్థలాన్ని చేరేలోగా తాబేలు ఇంకా ముందుకు పోతుంది. అది వున్న చోటికి అకిలీజ్ వెళ్ళేలోగా తాబేలు ఇంకా ముందుకు జరిగి వుంటుంది. . . .ఈ విధంగా అకిలీజ్ తాబేలును ఎన్నటికి దాటి ముందుకు పోలేడని జీనో అంటాడు. (విశ్వదర్శనం, ప్రధమ ప్రచురణ పుట.58)
ఈ పేరడాక్స్ కి నేనిస్తున్న పూర్వపక్ష రూపం!
ఈ పేరడాక్స్ లో జీనో యుక్తి అకిలీజ్ కి తాబేలుకీ మధ్యనున్న పది గజాల స్థలం వద్ద వ్యక్తమవుతుంది. అకిలీజ్ ఆ పది గజాల దూరాన్ని దాటే లోగా తాబేలు కొంత దూరం ముందుకుపోయి వుంటుంది కదా. అంటూ మనల్ని నిలదీసి, ఏమారుస్తాడు.
నేను దాన్నిప్పుడు పరిగణనలోకి తీసుకోను. పోటీ ప్రారంభం కాగానే తాబేలు దాటబోయే ఒక పది గజాలు దూరాన్ని తీసుకుంటాను. పోటీ ప్రారంభంలో తాబేలు ఒక పది గజాలు దూరం దాటే లోగా అకిలీజ్ పదకొండు గజాలు దూరం దాటుతాడనుకుందాం. ఎందుకంటే అకిలీజ్ కి పిక్కబలం ఎక్కువ కదా. అలాగే తాబేలు మరో పది గజాలు దూరం దాటేలోగా మరో పదకొండు గజాలు దాటుతాడు. అలా ఒక నిర్ణీత ప్రదేశాన్ని అంటే తాబేలు నూరు గజాలు దూరం దాటే సరికి అకిలీజ్ తాబేలుని చేరుకుని సమానమౌతాడు. అపైన పది గజాలు దూరంలో తాబేలుని దాటి ఒక గజం ముందుకెళ్ళిపోతాడు. ఆ తర్వాత పది గజాలు దూరంలో తాబేలుని దాటి ఇంకో గజం ముందుకెళ్ళిపోతాడు ఈ విధంగా అకిలీజ్ తాబేలును ఎన్నడైనా అవలీలగా దాటి ముందుకు పోగలడు.
ఇక మూడవ పేరడాక్స్ చాలా తమాషాగా, విడ్డూరంగా వుంటుంది.
( సశేషం )
1 అభిప్రాయాలు:
Excellent post. I am new to these Jeno paradocs and they are marvolous. and to be frank the creativity and logical reasoning is more attractive in the paradocs but not in the answers.
Post a Comment